Integra Santiago

O barrio de San Pedro está situado na zona norte da cidade. Delimitado polas rúas

• Avenida de Lugo (límite co barrio de Fontiñas),
• Porta do camiño,
• Rúas de Rodríguez de Viguri e Escalinata do Ataruxo (límite coa estación de autobuses) e
• Belvís

Trátase dun barrio histórico da cidade de Santiago de Compostela, case tan antigo como a mesma cidade e cun marcado carácter histórico. Situado nunha das entradas á cidade polo Camiño Francés. Hoxe é unha extensión da zona monumental de Compostela.

Dende sempre o barrio de San Pedro foi un dos barrios máis significativos da cidade de Santiago, caracterizándose pola personalidade propia.

Ademais ten unha vida comunitaria propia con diferentes movementos asociativos e entidades que ao longo do tempo foron dinamizando o barrio a través de diferentes iniciativas e propostas de actuación.

A finais do ano 2011 iniciase a nosa andadura como rede ou grupo comunitario para traballar de forma coordinada e conxunta, tomando como punto de partida a experiencia dos que xa levan anos traballando polo barrio.