Integra Santiago

É unha nova iniciativa do Concello de Santiago de Compostela que promove o intercambio de servizos e coñecementos entre a poboación.

É pois un instrumento para impulsar a vida comunitaria, fomentando valores solidarios de igualdade e cooperación. Está encamiñado a resolver necesidades da vida cotiá e mellorar a calidade de vida dos cidadáns.

 Obxectivos:

• Conciliar a vida laboral, familiar e persoal da poboación.
• Crear e fortalecer as redes sociais, fomentando valores de reciprocidade e igualdade.
• Impulsar a participación de todos os sectores da poboación na dinámica do tempo da cidade.
• Eliminar a tendencia individualista da nosa sociedade e promover actitudes que favorezan a integración e a conciencia colectiva.

¿ Cómo participar?

É moi sinxelo, as persoas interesadas tan só teñen que chamar por teléfono, contactar vía email ou acudir á oficina do Banco de Tempo situada na Concellaría de Benestar Social e Igualdade, onde se lles informará oportunamente.

Email:bancodotempo@santiagodecompostela.org

Teléfono: 981 54 24 65
Enderezo: Isaac Díaz Pardo 2-4 (Zona Galeras), 15705, Santiago.