Integra Santiago

Dentro do proceso de admisión de alumnado, o instituto Arcebispo Xelmírez II leva a cabo nas vindeiras semanas diferentes actividades promocionais e para dar a coñecer a súa oferta.
Na semana do 18 ao 22 de marzo, a dirección e o equipo de orientación do centro acudiu aos centros de primaria adscritos ao noso instituto para explicarlle ao alumnado ou aos pais a oferta educativ e as instalacións do centro. Así, o martes estivemos no CEIP López Ferreiro, o mércores no CEIP A. Casas Novoa de A Sionlla, o xoves no CEIP Apóstolo Santiago e o venres no CEIP de Vite.
En vindeiras datas acudirase a outros centros da contorna, tanto de primaria como de secundaria, visitas que serán anunciadas.
Adxuntamos hoxe o cartel informativo elaborado no centro para o proceso de admisión, así como un primeiro cartel da serie elaborada para dar a coñecer as actividades realizadas no centro nos últimos meses.